Дзюдо. Ўзбекистон ва Қозоғистон аёллар терма жамоалари қўшма машғулот ўтмоқда

Ўзбекистон ва Қозоғистон дзюдо федерацияларининг ўзаро ҳамкорлиги доирасида икки мамлакат терма жамоаларининг қўшма машғулоти ўтказилаётгани ҳақида хабар берган эдик. 

Эркаклар терма жамоаси дзюдочилари билан параллел равишда аёллар жамоаларининг ҳам ўқув-машғулот йиғини ўтказиляпти. 

Бу каби халқаро йиғинлар ўзаро тажриба алмашиш, спорт алоқаларини мустаҳкамлаш ва маҳорат даражасини ошириш учун ажойиб имкониятдир.

Иккала терма жамоа ҳам ушбу йиғин орқали келаси ой Саудия Арабистонида ўтказиладиган Ислом бирдамлиги ўйинларига тайёргарлик кўрмоқда.

Ўзбекистон дзюдо федерацияси матбуот хизмати хабар бермоқда.