"Динамо" навбатдаги легионер трансферини эълон қилди

"Динамо" клуби 2025 йилги футбол мавсуми олдидан ўз таркибига яна бир легионерни қўшиб олди.

Самарқанд клуби нигериялик ҳужумчи Ричард Фрайдэй билан бир йиллик шартнома имзоланганини маълум қилди. У 27 феврал кунидан "Динамо"нинг Тошкентдаги йиғинига қўшилади. 

25 ёшли футболчи ўтган мавсумларни Швециянинг "GAIS" клубида ўтказиб, жами 44 ўйинда 10та голга муаллифлик қилган. Шунингдек, Ричард 2019-2021 йилларда Латвиянинг "Лиепая" ва "Спартак Юрмала" клублари шарафини ҳимоя қилган.