"Динамо" "Молодечно" дарвозасига жавобсиз 3 та гол урди, Ҳошимовдан дубль!

Мавсумнинг иккинчи қисмига Беларусда тайёргарлик кўраётган "Динамо" жамоаси бугун иккинчи ўртоқлик баҳсида майдонга тушди.

Беларусь Олий лигаси вакили "Молодечно"га қарши ўтган учрашувда Вадим Абрамов шогирдлари 3:0 ҳисобида ғалаба қозонди. Анваржон Ҳожимирзаев ҳисобни очган бўлса, Улуғбек Ҳошимов дублга эришди – 3:0. Самарқандликлар йиғиндаги сўнгги ўйинни 25 июль куни "Витебск"га қарши ўтказади.

"Динамо": Равшанбек Ягудин, Улуғбек Абдуллаев, Жалолиддин Жумабоев, Олександр Кучеренко, Санжар Қодирқулов, Ратиньо, Дмитрий Плетнёв, Жаҳонгир Абдусаломов, Ричард Фрайдэй, Анваржон Ҳожимирзаев, Улуғбек Ҳошимов.
Захира: С.Каримов, А.Абдурасулов, М.Станоевич, Ф.Абдураҳмонов, Б.Насимов, Б.Облоқулов, М.Мираҳмадов, А.Ҳошимов, Х.Халилов.