"Челси" Саррини тез орада истеъфога чиқариши мумкин

"Челси" бош мураббийи Маурицио Сарри жамоадан кетиши мумкин.

Daily Express нашрида келтирилишича, клуб раҳбарияти Саррини тез кунларда истеъфога чиқариш борасида ўйламоқда. "Челси" Англия Премьер-лигасининг 31-турида "Эвертон" (0:2) билан ўйинда мағлубиятга учраганидан сўнг, раҳбариятнинг Саррининг клубдаги келажагига ишончи қолмаган.

"Эвертон"дан учралган мағлубиятдан сўнг, "Челси" Чемпионлар лигасига бериладиган йўлланма учун курашдаги имкониятини бироз пасайтириб юбормоқда.

Эслатиб ўтамиз, “аристократлар” айни дамда АПЛнинг ортда қолган 31та тур якунларига кўра мусобақа жадвалида 6-ўринни эгаллаб туришибди.