“Chelsi” futbolchilari jahon chempionligi uchun qancha mukofot puli oldi?

FIFA tomonidan yangi formatda o‘tkazilgan va AQSh mezbonlik qilgan klublar o‘rtasidagi jahon chempionati muxlislarda katta qiziqish uyg‘otdi.

Dunyoning turli mintaqalaridan 32 ta jamoa ishtirok etgan musobaqada Evropa jamoalari yana o‘z ustunligini ko‘rsatdi. Finalda “Chelsi” vakillari Evropa Chempionlar ligasining amaldagi g‘olibi “Pari Sen-Jermen”ni 3:0 hisobida mag‘lubiyatga uchratdi.

Transfer News Live va The Telegraph nashrlarining ma’lum qilishicha, “Chelsi” rahbariyati musobaqa ishtirok etgan har bir o‘yinchiga 350 funt sterlingdan (402 ming evro) mukofot puli ajratishga qaror qilgan.

Yaqinda “Chelsi” klublar o‘rtasidagi jahon chempionatidagi g‘alabasi evaziga 114,6 million evro daromad qilgani haqida ma’lumotlar tarqatilgan edi.

FIFA shafe’ligidagi keyingi chempionat 2029 yili o‘tkaziladi. Bo‘lajak musobaqada PSJ musobaqaning amaldagi g‘olibi sifatida chempionlik unvonini himoya qilishi kerak.