Charlz Oliveyra: “Men ahmoqlik qildim"

Braziliyalik MMA ustasi Charlz Oliveyra amaldagi UFC chempioni Iliya Topuriyaga qarshi mag‘lubiyatini izohladi.

“Men ahmoqlik qildim… Nimani o‘yladim o‘zi, hayronman?! Iliyani parterga olib tushib, qo‘llarimni ishga solaman deb o‘ylagandim. Haqiqatan ham bunga harakat qildim, lekin ehtiyotsizlik sabab Topuriyadan birinchi bo‘lib zarba o‘tkazib yubordim. Shunday ekan, bu mening aybim”, — dedi braziliyalik "Championship Rounds" sahifasiga bergan intervyusida.

Ma’lumot uchun, "UFC 317" turnirida bo‘lib o‘tgan bahsda “Matador” birinchi raundda Oliveyrani nokaut bilan mag‘lub etgandi.