“CAFA U-17 Championship 2025". Суперкамбек амалга оширган ўсмирларимиз Эронни мағлуб этди

“CAFA U-17 Championship 2025” гуруҳ босқичининг сўнгги тури доирасида Ўзбекистонлик ўсмирлар Эронлик тенгдошларига қарши баҳс олиб борди. "А" гуруҳидан ўрин олган мазкур беллашувда ҳамюртларимиз суперкамбек амалга оширган ҳолда 4:2 ҳисобидаги ғалабани қўлга киритди.

Дастлаб, 13-дақиқада рақиб футболчиси Аббос Рафи ҳисобни очди. Орадан 5 дақиқа ўтиб эса Мўтабар Шамиси орадаги фарқни иккитага етказиб қўйди.

Мазкур голларга эса Аҳрорбек Равшанбеков 75', 88', Сухроб Садиржонов 81', Ҳусанбой Атабеков 90+2' жавоб қайтаришди.

Шу тариқа, Ўзбекистон ўсмирлар терма жамоаси ўз гуруҳининг пешқадами сифатида финалга йўл олди. Финалда улар Тожикистонлик тенгдошларига қарши майдонга тушади.