“CAFA U-15 Girls Championship-2019” musobaqasi oldidan jamoalar rasmiylari ishtirokida yig‘ilish o‘tkazildi

Bilasiz, ertadan poytaxtimizda Markaziy Osiyo futbol assotsiatsiyasi tomonidan o‘tkaziluvchi “CAFA U-15 Girls Championship-2019” musobaqasi start oladi. Mazkur turnirda 15 yoshgacha bo‘lgan qizlardan iborat 4 ta yurt terma jamoalari ishtirok etishadi.

“CAFA U-15 Girls Championship-2019” musobaqasida O‘zbekiston, Eron, Qirg‘iziston hamda Tojikiston terma jamoalari g‘oliblik uchun bahs olib borishadi.

Bugun ushbu turnir oldidan jamoalar rasmiylari ishtirokida yig‘ilish o‘tkazildi. Unda O‘FA Bosh kotibi Avaz Maksumov, musobaqaga Markaziy Osiyo futbol assotsiatsiyasi tomonidan bosh koordinator sifatida tayinlangan Ildar Garifulin, jamoalar menejerlari hamda mahalliy tashkiliy qo‘mita vakillari qatnashishdi. Yig‘ilishda musobaqa doirasidagi o‘yinlarning tashkiliy masalalari muhokama etildi.

Eslatib o‘tamiz, turnir ertaga start oladi.