"Buxoro" mag‘lubiyatga uchradi. Murabbiy yana o‘sha sababni ro‘kach qildi

So‘g‘diyona jamoasidan uchralgan mag‘lubiyatdan so‘ng "Buxoro" klubi bosh murabbiyi Muhsin Muhammadiev o‘z fikrlarini bildirib o‘tdi. Bu haqda klub matbuot xizmati xabar berdi.

- Bizda futbolchilar etishmayapti, o‘yin davomida bir himoyachimiz jarohat oldi, uni kecha yoshlar jamoasi safida maydonga tushgan futbolchi bilan almashtirdim. Ikki futbolchimiz davolanmoqda, to‘rt legionerimiz ma’lum sabablarga ko‘ra kela olmaydi. Mana shunday holatda biz bahslarda qatnashyapmiz.

Birinchi golda qoidabuzarlik yo‘q edi, hakam qoida buzildi, deb topdi. U erda toza to‘pga o‘ynaldi. Bunday vaziyatlar o‘yinga ta’sir qilmay qolmaydi, garchi biz hisobni keyin tenglashtirgan bo‘lsakda, bugungi kunga kelib, ya’ni katta tanaffusdan keyin vaqtida etarlicha tayyorgarlik ko‘rmaganimiz, futbolchilarda jarohatlar ko‘payishiga olib keldi. Bu haqida biz bir necha bor ta’kidlagan edik. Afsuski, futbolni ko‘pchilik yaxshi tushunadiganga o‘xshayapti?! Rahmat, - dedi murabbiy.