Бу мураббий МЮни бошқариш учун инглиз тилини ўргана бошлади

“Аякс”ни муваффақият билан бошқараётган Эрик тен Хаг зудлик билан инглиз тилини ўргана бошлади, - деб хабар бермоқда Sportsmail сайти.

Манбанинг таъкидлашича, бу мутахассис Манчестер клубини қабул қилиб олишга мойил ва музокараларга киришишдан олдин инглиз тилини мукаммал ўрганмоқчи. Бундан ташқари, у “Аякс” хўжайинларини ёзда кетиши ҳақида огоҳлантиришг ҳам улгурган.

Ҳозир жамоани бошқараётган Ральф Рангник мавсум охирида бошқа лавозимга ўтказилади. Унинг олдига “Манчестер Юнайтед”ни кучли тўртликка олиб кириб, Чемпионлар лигасига йўлланма олиш вазифаси қўйилган.

Жамоага бўлажак бош мураббийлар рўйхатида Эрик тен Хагдан ташқари, Карло Анчелотти ва Маурисио Почеттино ҳам бор.