Браим Диасга АПЛдан таклиф бор

Мадриднинг “Реал” клуби ярим ҳимоячиси Браим Диас фаолиятини Англия премьер-лигасида давом эттириши мумкин. Бу ҳақда "Todofichajes" портали хабар бермоқда.

Манбага кўра, 24 ёшли испаниялик вингерни Лондоннинг "Вест Хэм" жамоаси ўз сафига қўшиб олмоқчи. "Болғачилар" қишки трансферлар ойнасида футболчи учун таклиф билан чиқмоқчи.

"Transfermarkt" портали Браимнинг нархини 20 миллион еврога баҳоламоқда. Томонлар ўртасидаги амалдаги шартнома 2027 йилнинг июнь ойи охирида тугайди.

Испания чемпионатининг жорий мавсумида Диас еттита ўйин ўтказиб, битта гол урди.