"Borussiya D" Sanchoga Frantsiyadan zo‘r o‘rinbosar topdi

Frantsiyaning "Lill" klubi hujumchisi Jonatan Ikone faoliyatini Germaniya Bundesligasida davom ettirishi mumkin. Bu haqda The Times nashri xabar bermoqda.

Yuqoridagi manbaga ko‘ra, 22 yoshli futbolchini "Borussiya" Dortmund o‘z safida ko‘rmoqchi. Gap shundaki, nemis grandi Ikoneni tez orada MYuga o‘tishi kutilayotgan Jeydon Sancho o‘rniga munosib nomzod sifatida qaramoqda.

Ikone joriy mavsum “Lill” safida 36 ta o‘yinda maydonga tushdi va o‘z hisobiga 4 ta gol hamda 7 ta golli uzatmaga mualliflik qildi. Uning transferi esa 45 mln evroga baholanmoqda.