Bektemir Meliqo‘ziev va Sergey Kovalyov jangi borasida yangi ma’lumot paydo bo‘ldi

Bektemir Meliqo‘ziev va Sergey Kovalyov jangi xavf ostida ekani ma’lum. Sababi, rossiyalik charmqo‘lqop ustasi doping testdan o‘ta olmagan. Shuning uchun, bu qarama-qarshilik borasida turli xil gap-so‘zlar tarqalmoqda.

Manbalarning xabar berishicha agar, Sergey Kovalyov 30 yanvar kuni jang qila olmaydigan bo‘lsa, ushbu to‘qnashuv 13 fevralga ko‘chirilishi mumkin. Bektemir Meliqo‘zievga esa, raqib sifatida Sallivan Barrera va Gabriel Rosado ko‘rilmoqda.

Sergey Kovalyov va Bektemir Meliqo‘ziev jangi 30 yanvar kuni dastlab, Moskvada “Lujniki”  arenasida bo‘lib o‘tishi kerak edi. Keyinchalik, bu to‘qnashuv AQShga ko‘chirilgandi.