"Бавария" "Аякс"нинг етакчи футболчисини текинга қўлга киритади

“Аякс”нинг ўнг қанот ҳимоячиси Нусайр Мазрауи ёзда Амстердам клубини тарк этади.

Инсайдер Фабрицио Романонинг сўзларига кўра, "Бавария" клуби марокашлик футболчи билан шартномани тезроқ якунлашга ҳаракат қилмоқда.

Манбага кўра, мюнхенликлар ўтган ҳафтада Мазрауининг агенти Мино Райола билан оғзаки келишувга эришган. Таъкидланишича, айни дамда иш ҳақига қўшимча бонуслар ва келишувнинг сўнгги бандлари муҳокама қилинмоқда. Шундан сўнг шартномани имзолаш жараёни бошланади.

Эслатиб ўтамиз, Мазрауининг "Аякс" билан шартномаси жорий мавсум охирида якунига етади. Шу сабабли у “Бавария”га эркин агент сифатида йўл олади. Айтиш керакки, унга "Барселона" ҳам даъвогарлик қилаётган эди.