"Башакшеҳир" вакили Файзуллаев трансферидаги муаммони айтди

Туркиянинг "Истанбул Башакшеҳир" клуби матбуот хизмати легионеримиз Аббосбек Файзуллаев трансфери учун ЦСКАга пул ўтказишда муаммога дуч келаётганини маълум қилди. "Истанбул" июль ойи охирида Файзуллаев билан шартнома имзолаганини эълон қилганди. Битим беш йилга мўлжалланган. ОАВ аввалроқ битим суммаси 7 миллион еврони ташкил этгани ҳақида хабар берган эди.

- Клуб ҳали ЦСКАга пул тўламагани учун Файзуллаев ҳозирча "Башакшеҳир"да ўйнай олмаслигини тўғри тушуняпманми?
"Трансфер учун тўлов билан боғлиқ муаммо йўқ, аммо пул ўтказмаси билан боғлиқ муаммо бор", - дея "Матч ТВ" "Истанбул Башакшеҳир" матбуот хизматининг исми ошкор этилмаган вакили сўзларини келтирди.

Эслатиб ўтамиз, Файзуллаев 2023-йил августидан буён ЦСКАда ўйнаб келаётганди. Аббос "Пахтакор"дан 500 минг евро эвазига ўтганди. Миллий терма жамоамиз аъзоси Москва клубида жами 72 та ўйин ўтказиб, 8 та гол урган ва 22 та голли узатмани амалга оширган.