"Barselona"ning asosiy himoyachisi uzoq muddatga safdan chiqdi

Kataloniyaning “Barselona” klubi o‘zining rasmiy saytida himoyachi Nelson Semeduning jarohati borasida xabar qildi.

Yuqoridagi manbaaga ko‘ra 25 yoshli futbolchi kecha bo‘lib o‘tgan “Selta”ga (4:1) qarshi bahsda to‘pig‘idan jarohat olgan. Shifokorlar esa uning sog‘ayishi uchun taxminan 5 hafta kerakligini aytishmoqda.

Ma’lumot uchun, Semedu joriy mavsum “Barselona” safida 16 ta o‘yinda maydonga tushdi va o‘z hisobiga 3 ta assist yozdirib qo‘ydi.