"Barselona" va "Valensiya" o‘zaro darvozabonlar rokirovkasini amalga oshirmoqchi

"Barselona" va "Valensiya" mavsumlar oralig‘ida o‘zaro darvozabon almashtirishlari mumkin. Bu haqda Tribuna deportiva nashri xabar tarqatmoqda.

Unga ko‘ra "ko‘k-anor ranglilar" 30 iyun kuni, yani "Valensiya"ning yillik moliyaviy hisoboti barqaror chiqishi uchun uning braziliyalik posboni Netoni sotib olishadi. O‘z navbatida “ko‘rshapalaklar” esa 1 iyul kuni kataloniyaliklarning gollandiyalik darvozaboni Yasper Silessenni sotib olishni rejalashtirishmoqda.

Transfermarkt portali talqiniga ko‘ra 29 yoshli Neto va 30 yoshli Silessen 18 mln evroga baholanmoqda.