"Барселона" АҚШда ўтказиладиган ўйиндан яхшигина пул ишлаб олиши мумкин

"Барселона" Ла Лиганинг АҚШдаги "Вильярреал"га қарши ўйини учун бир неча миллион евро ишлаб олиши мумкин. Аввалроқ, Ла Лига 17-туридан ўрин олган жамоалар ўртасидаги ўйин Майамида бўлиб ўтиши мумкинлиги маълум бўлганди.

Испания Қироллик футбол федерацияси ушбу ўйинни 20 декабр куни Америка шаҳрида ўтказиш бўйича UEFAга сўров юборгани хабар қилинганди.

Диарио Спорт хабарига кўра, Испания футболчилари ассоциацияси (AFE) Ла Лига раҳбари ва RFEF вице-президенти Хавьер Тебас иштирок этмаган йиғилишда ушбу таклифга қарши овоз берган.

Аммо бу ташаббус якунда маъқулланса, "Барселона" ва "Вильярреал" молиявий компенсация олади.

Rac 1 маълумотига кўра, сумма 5 миллион евродан 6 миллион еврогача бўлади. Шу билан бирга, "Вильярреал" учун бу компенсация бироз кўпроқ бўлади, чунки улар ўйин чипталарини сотишдан тушмаган пулларни қоплайди.