“Барса” Мессининг дўсти учун беш нафар юлдузни қурбон қилмоқда

“Барселона” ҳужум чизиғини кучайтириш ва яқин келажакда асосий тўпурар Роберт Левандовскининг ўрнини эгаллаш учун кўп гол ура оладиган ҳужумчи қидираётган эди.

Каталонияликларга “Атлетико”да порлаётган Хулиан Альварес маъқул келди. Бу ҳужумчи “Барса” афсонаси Лионель Месси билан бирга ўйнаб, 2022 йилги жаҳон чемпионатида ғолибликни қўлга киритган.

“Атлетико” ўз тўпурарини 150 миллион еврога баҳоламоқда. Каталонияликлар бу суммани 100 миллион еврога туширишга ҳаракат қиляпти.

Шунга қарамай, “Барселона” бу трансферни амалга ошириш учун беш нафар футболчисидан воз кечишига тўғри келмоқда. Испан матбуотининг ёзишича, Иньяки Пенья, Ансу Фати, Рональд Араухо, Френки де Йонг ва Ферран Торрес клуб томонидан трансферга қўйилади.

Яна бир вариант сифатида Альваресни 36 ёшли тўпурар Роберт Левандовскига рокировка қилиш масаласи ҳам муҳокама қилинмоқда.