"Аякс" Хендерсон трансферини эълон қилди

Расман Жордан Хендерсон "Аякс" футболчисига айланди. Бу ҳақда клуб ўз саҳифаси орқали маълум қилмоқда. 

Ярим ҳимоячи "Ал-Иттифоқ" билан шартномасини бекор қилиб, эркин агент сифатида Нидерландия жамоасига бориб қўшилди. У "Аякс" билан 2026 йилгача амал қиладиган битим тузди. Шу билан биргаликда, 6-рақамни танлади. 

"Дастлабки 6 оч амстердамликлар учун қийин ўтди. Шунингдек, мен ҳам бу даврда қийинчиликларни бошдан ўтказдим. Умид қиламанки, бир-биримизга ёрдам бера оламиз", - деди Хендерсон. 

Эслатиб ўтамиз, Жордан ўтган ёзда "Ливерпуль"дан "Ал-Иттифоқ"га ўтганди.