"Аякс" грандларни огоҳлантирди

“Аякс” спорт директори Марк Овермарс дарвозабон Андре Онанага бўлаётган қизиқишларга муносабат билдирди.

- Биз футболчиларимизни чақага қўйиб юбормаймиз ва 30 августгача таклиф кутишга ҳам тоқатимиз йўқ. Бу трансфер ойнасида ҳеч ким кетмайди. Онананинг вазияти ҳам шундай. Агар унинг учун клубга яхши таклиф тушса ва дарвозабоннинг ўзи кетишни истасагина трансфер амалга ошиши мумкин, - деди Овермарс.

Айни пайтда 24 ёшли Онанага Европанинг гранд клубларидан қизиқиш бўлмоқда.