"Аталанта" янги ҳужумчи сотиб олди

"Аталанта" ўзининг расмий сайтида ПСВ ҳужумчиси Сам Ламмерснинг трансферини эълон қилди.

Юқоридаги манбага кўра, 23 ёшли футболчининг трансфери бергамоликларга 9 миллион еврога тушган. Унинг ўзи эса, клуб билан 2025 йилгача шартнома имзолаган.

Ламмерс ПСВ тарбияланувчиси ҳисобланади. У ўтган мавсум 29 та ўйинда майдонга тушди ва 6 та гол ҳамда 1 та голли узатмага муаллифлик қилди.