Артета Нванери ва Льюис-Скеллининг янги шартномалари ҳақида гапирди

"Арсенал" бош мураббийи Микель Артета Этан Нванери ва Майлс Льюис-Скелли билан янги шартномалар имзоланишини исташини билдириб ўтди.

Бу ёш футболчилар жорий мавсумда асосий таркибга кириб келмоқда. Нванери Букайо Саканинг жароҳати ортидан ўзини кўрсатмоқда, Льюис-Скелли эса чап қанот ҳимоясида биринчи рақамли танловга айланди ва ҳатто Англия терма жамоасида дебют қилди.

"Биздаги футболчилар ўзларини бахтли ва қадрланган ҳис қилишлари, лойиҳага муҳим эканликларини сезишлари жуда муҳим. Бу айниқса, академиямиз тарбияланувчилари учун жуда муҳим.

Майлс жуда кўп ўйин ўтказди. Этан ҳам шунингдек. Бу Премьер-лига – ва гап ҳали 17-18 ёшдаги профессионал футбол ўйнаб улгурмаган йигитлар ҳақида кетяпти. Улар бу имкониятга муносиб ва ҳали ҳам ўйнайдилар" - дея таъриф бериб ўтди испаниялик мутахассис.