Англия ғалабали сериясини давом эттирди

ФИФА кунларидан муносиб фойдаланиш мақсадида Англия ҳамда Уэльс терма жамоалари ўртоқлик учрашувида майдонга тушди. "Уэмбли" стадионида кечган баҳс мезбонларнинг 3:0 ҳисобидаги ғалабаси билан якунланди.

"Уч шерлар" сафида ўзининг дебют учрашувини ўтказган Доминик Калбверт-Льюин илк ўйинидаёқ гол уришга эришди. Шунингдек, Конор Коуди ҳамда Дэнни Ингз ҳам ўз номини таблога ёздириб қўйди.

Эътиборлиси, Гарет Саутгейт шогирдлари бу натижа билан уэльсликлар устидан қозонилган кетма-кет 6-ғалабасини нишонлади.

• 90+2'
  

  Учрашув якунланди! Матнли трансляция Жавоҳир Азимов томонидан олиб борилди!

• 90+1'
  

  Ўйин сўнгида бурчак тўпи ишлаб олган инглизлар ундан наф чиқара олишмади.

• 90'
  

  Асосий вақтга 2 дақиқа қўшиб берилди.

• 87'
  

  Крис Мефамга тиббий ёрдам кўрсатилмоқда.

• 85'

  Мэйтланд-Найлз жарима майдони ичида йиқилиб тушди. Ҳакам унга ўрнидан туриши кераклигини тушунтирди.

• 83'
  

  Дэнни Ингзнинг зарбасини дарвозабон қайтарди.

• 79'

  Иккинчи бўлим тўлиқ инглизлар тасарруфига ўтди. Меҳмонлар деярли қаршилик кўрсата олмаяпти.

• 75'
  

  Уинкс, Грилиш ҳамда Сака захирага олинди. Уларнинг ўрнига Уорд-Проуз, Барнс ва Мэйтленд-Найлз майдонга тушди.

• 73'
  

  Уильямс ва Робертс майдонни тарк этди. Уларнинг ўрнига Смит ҳамда Гантер ўйинга қўшилди.

• 70'
  

  Саканинг жарима майдони ичидан берган зарбаси рекашет натижасида янада хавфли тус олди. Бироқ Хеннеси уни қайтаришга муваффақ бўлди.

• 66'
  

  Грилиш ўзининг фаол ҳаракатлари билан ажралиб турибди. Бу сафар жарима майдонига ёриб кирган футболчи бурчак зарбаси ишлаб олди.

• 63'
  

  ГООООООООООЛЛЛЛЛЛЛ!

  Чалқанча зарбаси билан Дэнни Ингз ҳисобни йирик кўринишга келтирди.

• 62'
  

  Асосан, қзпол ўйини билан ажралиб турган Ампаду захирага олинди. Унинг ўрнига Уилл Волкс майдонга тушди.

• 61'
  

  Дилиан Левитт Уинксга жароҳат етказиб қўйиши мумкин эди. Ҳакам уни огоҳлантирди.

• 58'
  

  Саутгейтдан учталик юриш: Маунт, Жеймс ва Мингс майдонга тушди. Уларнинг ўрнига Кальверт-Льюин, Триппьер ҳамда Жо Гомес захирага олинди.

• 57'

  Итан Ампаду барибир сариқ карточка олди. У Грилишни чалган эди.

• 55'

  Майдон эгалари ўйинни ишонч билан давом эттирмоқда.

• 53'
  

  ГООООООООООЛЛЛЛЛЛЛ!

  Триппьернинг жарима майдонига узатган идеал узатмасини Коуди дарвозага йўллади.

• 50'

  Грилишга жароҳат етказишига бир баҳя қолган Ампаду ҳакам томонидан жиддий огоҳлантирилди. 

• 48'

  Иккинчи таймни инглизлар фаолроқ бошлади. Тўп назорати ҳам айнан уларда.

• 46'
  

  Иккинчи тайм бошланди!

• 45+2'
  

  Танаффус!

• 45'
  

  Биринчи бўлимга 2 дақиқа қўшиб берилди.

• 42'
  

  Букайо Сакага нисбатан ишлатган қўполлиги учун Коннор Робертс сариқ карточка олди.

• 41'
  

  Мур жароҳат олиб, майдонни тарк этди. Унинг ўрнига Неко Уильямс ўйинга қўшилди.

• 40'
  

  Киффер Мурга яна тиббий ёрдам кўрсатилмоқда. Ҳар эҳтимолга қарши, захирада бошқа футболчи тайёргарликни бошлаб юборди.

• 38'
  

  Коуди жарима майдони марказидан зарба йўллади. Унинг уриниши ноаниқ кетди.

• 36'

  Ампаду орқа чизиқда бироз хавфли ўйнади. Унинг бахтига, рақиблари етарлича хушёр эмасди.

• 33'
  

  Мурга тиббий ёрдам кўрсатилди.

• 30'

  Поуп билан бирга-бир вазиятга чиққан уэльслик ҳужумчи уни алдай олмади. Дарвозабон тўпни ушлаб олди.

• 28'
  

  Мефамнинг бош билан берган зарбасини Ник Поуп ушлаб олди.

• 26'
  

  ГООООООООООЛЛЛЛЛЛЛ!

  Кальверт-Льюин дебют ўйинидаёқ гол урди ва ҳисобни очди! Грилишнинг узатмасини Доминик дарвозага жойлади.

• 21'

  Мурнинг жарима майдони ичидан йўллаган зарбаси ноаниқ кетди. Қулай вазият бой берилди.

• 19'

  Бир неча рақиблари орасида қолиб кетган Тайлер Робертс рақибини фол ишлатишга мажбур қила олди.

• 15'

  Саутгейт шогирдлари рақибга тўп назоратини бериб, ўзлари қарши ҳужумга ўтмоқда. Бу аввалдан ўйланган тактикага ўхшамоқда.

• 13'

  Кальверт-Льюин дарвозабон билан бирга-бир чиқиб, уни алдаб ўтди. Бироқ аниқ зарба бера олмади.

• 10'

  Майдон эгаларининг зич ҳимояси туфайли, Гиггз шогирдлари марказда тўпни ушлаб турибди.

• 8'

  Тўп назорати меҳмонларда. Инглизлар прессинг уюштирмоқда.

• 5'

  Бен Дэйвис рақибига нисбатан қўпол ўйнади. Ҳакам уни оғзаки огоҳлантирди.

• 3'

  Ампаду яхши пас қабул қилиб олди ва зарба йўллади. Тўп ҳимоячидан ўтмади.

• 1'
  

  Учрашув бошланди!

• 0'

  Футболчилар майдонга тушиб келди. Миллий мадҳиялар янгради! Старт учун барчаси шай ҳолатда!