"Andijon"ga bolgariyalik futbolchi qo‘shiladi

“Andijon” jamoasi tarkibni kuchaytirishda davom etadi. Klub matbuot xizmatining xabariga qaraganda, yangi legioner qo‘shiladi.

Unga ko‘ra, 30 yoshli Plamen Dimov yangi mavsumda “Andijon” sharafini himoya qiladi. Bolgariyalik ushbu himoyachining ertaga jamoa ixtiyoriga qo‘shilishi kutilyapti.

Bugun esa “Andijon” rejalashtirilganidek, “Nasaf”ga qarshi nazorat uchrashuvida ishtirok etadi va shundan so‘ng, yig‘inning qolgan qismi Andijonda davom ettiriladi.