Anchelotti: “Real” ishini tugatdi

“Real” bosh murabbiyi Karlo Anchelotti yozgi transferlar davrining qolgan qismida klub yangi o‘yinchilarni sotib olmasligini ma’lum qildi.

Tajribali italiyalik murabbiy uning jamoasi tarkibi to‘liq shakllantirilganini ta’kidladi.

- Boshqa futbolchi olishning hojati yo‘q. Bu yuz foiz. Biz transfer bozoridagi ishlarimizni yakunladik. “Real”ga yangi o‘yinchi kelmaydi. Tarkib shakllangan, - dedi Karlo Anchelotti.

Yozda madridliklar “Borussiya Dortmund”dan angliyalik Jud Bellingem, “Fenerbahche”dan turkiyalik Arda Gyuler, “Rayo Vplekanodan ispaniyalik Fran Garsiyani sotib oldi va “Chelsi”dan ispan darvozaboni Kepa Arrisabalagani ijaraga oldi.