Ана холос: Роналду Бразилия клуби ўтиши кутиляпти

Криштиану Роналдунинг “Ан-Наср” клуби билан амалдаги шартномаси 30 июнь куни тугайди. Томонларнинг ҳамкорликни узайтириш учун бошлаган музокаралари тўхтатилгани ҳақида хабарлар тарқатилган эди.

Бунга сабаб сифатида Роналду ва “Ан-Наср” ҳамкорлиги кутилган самарани бермади. Машҳур юлдузга катта пул сарфлаётган клуб ҳам, доимий тарзда совринларни қўлга киритишга кўниккан Роналду ҳам ҳамкорлик даврида бирорта мусобақада ғолиб чиққани йўқ.

Marca нашрининг ёзишича, Бразилиянинг номи ошкор этилмаётган клуби 40 ёшли ҳужумчини ўз сафига қўшиб олишга тайёр. Бу клуб Роналдуга бозор шароитидан юқори бўлган имкониятларни тақдим қилмоқчи. Бир неча ташқи ҳомийлар ҳам бу лойиҳани қўллаб-қувватлашга тайёрлигини билдирган.

Ҳозирча маълум бўлгани, Роналдуни олмоқчи бўлган клуб португалиялик футболчи орзу қилаётган клублар ўртасидаги жаҳон чемпионатида иштирок этади.

15 июндан бошланиб, бир ой давом этадиган клублар ўртасидаги жаҳон чемпионатига ФИФА  Бразилиядан “Палмейрас”, “Фламенго”, “Флуминенсе” ва “Ботафого” жамоаларини жалб қилган.