Ана холос! Месси "Барса"дан кетишга жуда яқин келмоқда

RAC1 нашри мухбири Жерар Ромеро ҳужумчи Лионель Мессининг "Барселона" билан янги шартнома имзолашдан узоқ эканлигини тасдиқлади.

Қайд этилишича, вазият деярли ортга қайтмайди ва аргентиналикнинг клубни тарк этиш эҳтимоли ҳеч қачон ҳозиргидек юқори бўлмаган. Жамоа сардорларига бу ҳақда хабар берилган.

Шунингдек, Месси "Барселона"нинг ҳозирги таркибидан норози эканлиги таъкидланган.

Аввалроқ, клуб жамоа аъзоларига вазият ҳақида маълумотни қандай тақдим этиш ҳақида ўйлаётгани ҳақида хабар берилган эди.

Эслатиб ўтамиз, Месси 1 июлдан буён эркин агент ҳисобланади.