Ana xolos: Benzema ichki ishlar vazirini sudga berdi

“Al-Ittihod” hujumchisi Karim Benzemaning advokati Xyug Vije futbolchi Frantsiya ichki ishlar vaziri Jerald Darmanenni sudga berganini ma’lum qildi.

Avvalroq, Darmanen Karim Benzemani terrorchi tashkilotlar bilan aloqa qilishda ayblagan edi.

- Ayrim kimsalar odamlarni mana shu tarzda obro‘sizlantiradi. Buning ortidan oilalarda turli jiddiy oqibatlar kelib chiqadi. Bunaqa ayblovlar orqali Frantsiya birdamligiga putur etadi. Ba’zilar nima deyayotganini bilmaydi.

Turli mish-mishlar bilan Benzemani chetga surib qo‘yishni istashadi. Bunday ishlar o‘zini siyosatchi, deb bilan shaxs qilishi kerak bo‘lgan amallarning g‘irt teskarisidir, - deydi Xyug Vije.

Karim Benzema o‘tgan yoz Evropani tark etib, Saudiya Arabistonining “Al-Ittihod” jamoasi bilan 2026 yilnin yarmigacha davom etadigan shartnoma imzolagan edi.