Аморим Онананинг сўнгги дақиқалардаги хатоси ва ўйин ҳақида гапирди

"Манчестер Юнайтед" бош мураббийи Рубен Аморим "Лион"га қарши учрашувдан сўнг матбуот анжуманида иштирок этиб, Андре Онананинг қўпол хатоси ва бўлиб ўтган беллашув ҳақида ўз фикрлари билан ўртоқлашди.

"Биз хафамиз. Учрашувни камида бир гол фарқи билан якунлашимиз керак эди. Энди эса олдиндаги ўйин — "Олд Траффорд"да. У ерда ғалаба қозонишга ҳаракат қиламиз.

Онанага келсак, у АПЛдаги кейинги учрашувга эътибор қаратиши керак, шундан сўнг жавоб ўйини ҳақида ўйлаш мумкин. "Лион"га қарши ўйинда бир футболчининг хатоси — бутун жамоанинг хатоси.

Биз яхши ўйнадик. Биринчи таймда айрим қийинчиликлар бўлди, айниқса прессингни бошлашда. Иккинчи таймда мослашдик ва ўйинни назорат қилдик. Биз кўпинча рақиб жарима майдони яқинида бўлдик. Ўйин яхши ўтди, лекин бундан ҳам яхшироқ бўлиши мумкин эди.

Биз ўйиндан ўйинга кучаяпмиз, лекин голли вазиятларни амалга оширишни яхшилаш керак" – дея айтиб ўтди португалиялик мутахассис.