Afrika Millatlar kubogi yarim final juftliklari ma’lum bo‘ldi

Xabaringiz bor ayni kunlarda Misr yashil maydonlarida Afrika Millatlar kubogi bo‘lib o‘tmoqda.

Bugun musobaqaning chorak finalidan o‘rin olgan yana 2ta uchrashuv bo‘lib o‘tdi. Jumladan, Kot-d`Ivuar terma jamoasi Jazoirga qarshi maydonga tushdi. Asosiy va qo‘shimcha bo‘limlar 1:1 hisobida yakunlangach, g‘olib nomi penaltilar seriyasiga ko‘ra aniqlandi. Unda esa omad jazoirlik futbolchilarga kulib boqdi.

Madagaskarga qarshi o‘ynagan Tunis esa ortiqcha qiyinchilikka duch kelmadi va 3:0 hisobida g‘alaba qozonib yarim finalga chiqdi.

Endi 14 iyul kuni yarim finalda quyidagi jamoalar o‘zaro bahs olib borishadi:

Senegal – Tunis – 21:00

Jazoir – Nigeriya – 00:00