Aduris: "Real" va "Barselona" kuboklarni olishidan charchadik!

"Atletik" klubi o‘yinchisi Aris Aduris Ispaniya kubogidan "Real" hamda "Barselona" tark etganidan mamnun ekanini bildirdi.

Eslatib o‘tamiz, Bilbao klubi "Real"ni, "Real Sosedad" klubi esa "Barsa"ni musobaqadan chiqarib yubordi.

"Biz barcha kuboklarni "Barselona" yoki "Real" yutaverishidan charchadik.

Intriga bor turnirlarni tomosha qilish qiziqarli. Masalan, Angliyadagi o‘yinlar. Men, jamoamning g‘olib bo‘lishini hayollarimda tasavvur qilardim. Bu orzular endi maqsadga aylandi. Men faoliyatim yakunigacha biror turnirda g‘olib bo‘lishni xohlayman. Albatta, bu juda qiyin" deydi Aduris.

Eslatib o‘tamiz, Ispaniya kubogining 1/2 final doirasida "Atletik" "Granada" bilan to‘qnash keladi.