Хитойлик миллиардер "Интер" президентига айланди

Хитойлик миллиардер Стивен Чжан “Интер”нинг янги президенти этиб тайинланди, дея хабар беради ESPN нашри. У индонезиялик тадбиркор Эрик Тоҳирнинг ўрнини эгаллади. Раҳбарият ўзгарганлиги бугун расман эълон қилинади.

27 ёшли Чжан “Suning Holdings Group” хўжайинининг ўғли ҳисобланади. Бу компания клуб акцияси назорат пакетига эгалик қилади.

Стивен Чжан икки йилдан бери клубнинг ушбу ҳаракатини назорат қилиб келади. Тоҳирнинг ҳам “Интер” маълум улуши қолади, аммо у сўнгги вақтларда клуб ишларига кам аралашган.

Маълум бўлишича, “Интер” вице-президенти Хавьер Занетти ва бош менежер Алессандро Антонелло ўз лавозимларини сақлаб қолган.