Роналду ўзининг "Реал"дан кетишига сабабчи бўлган 3 та инсонни айтди

Туриннинг "Ювентус" клуби форварди Криштиану Роналду ўзининг "Реал"дан кетишида 3 нафар инсонни айбдор деб ҳисоблайди.

Football Espana нашри тарқатган хабарга кўра 33 ёшли португалиялик футболчининг жамоадан кетишига “қироллик клуби” президенти Флорентино Переснинг ҳаракатсизлиги, янги бош мураббийи Хулен Лопетеги ва жамоа сардори Серхио Рамослар асосий сабаб бўлган. Аниқроғи, Перес Роналдуга янги шартнома таклиф қилмаган, Лопетеги ва Ромос эса уни таркибда олиб қолиш учун раҳбариятга ўз сўзларини ўтказа олишмаган.

Эслатиб ўтамиз, Роналду Мадриддаги 9 йиллик фаолиятидан сўнг ёзда 112 млн евро эвазига “Реал”дан “Ювентус”га кўчиб ўтган эди.