"Реал"га ҳужумчи керак

Мадриднинг "Реал" клуби бош мураббийи Хулен Лопетеги жамоа раҳбариятидан ҳужумчи сотиб олишни талаб қилмоқда.

Бироқ, "қироллик клуби" президенти Флорентино Перес жамоа ҳозирги таркиби билан ҳам яна Чемпионлар лигасида ғолибликка эришиши мумкинлигини айтган. Бироқ, Лопетеги трансфер деразаси ёпилгунича жамоага яна бир ҳужумчи олиб келмоқчи. У жамоага топ даражадаги ҳужумчини олиб келиш имкони бироз қийинроқ эканлигини тушиниб турибди ва шунинг учун ҳам нисбатан қиммат бўлмаган футболчи сотиб олишга ҳам рози.

Бу борада "Реал"нинг асосий мақсади жамоанинг икки иқтидорли тарбияланувчилари - Родриго ("Валенсия") ёки Мариано Диасалардан ("Лион") бирини ортга қайтаришдир.