Rasman! Brendan Rojers - "Lester" bosh murabiyi

Angliyaning "Lester" klubi shimoliy irlandiyalik mutaxassis Brendan Rojersni jamoaning yangi bosh murabbiyi etib tayinladi. Bu haqda klub rasmiy sayti xabar tarqatdi.

Unga ko‘ra 46 yoshli mutaxassis “tulkilar” bilan 2022 yilga qadar shartnoma imzolagan.

“Bu tayinlov men uchun juda muhim bo‘ldi. Muxlislar o‘z jamoasi bilan faxrlanishlari uchun hayotimni bag‘ishlashga tayyorman. Biz faqat kuchli bo‘lamiz. Futbolchilar va muxlislar bilan yaqin hamkorlik qilishga umid qilaman”, - deydi Rojers.

Eslatib o‘tamiz, Brendan Rojersning so‘nggi ish joyi Shotlandiyaning “Seltik” klubi bo‘lgan edi.