Oksana Chusovitinadan yana bir chempionlik!

Qatar poytaxtida o‘tkazilgan sport gimnastikasi bo‘yicha jahon kubogining navbatdagi bosqich bellashuvlari biz uchun muvaffaqiyatli yakunlandi. 

Musobafada ishtirok etgan tajribali hamyurtimiz Oksana Chusovitina tayanib sakrash bellashuvida shohsupaning eng yuqori pog‘onasidan joy oldi. Vakilamizning chiqishini hakamlar 14,433 ball bilan baholashdi va bu oltin medal uchun kifoya qildi. Shohsupaning keyingi pog‘onalaridan KXDR vakili Pyon Ryo Yong hamda frantsiyalik Kolin Devilar joy olishdi. 

Sport gimnastikasi. Jahon kubogi. Doxa. 

Tayanib sakrash, ayollar

1. Oksana Chusovitina (O‘zbekiston)

2. Pyon Ryo Yong (KXDR)

3. Kolin Devilar (Frantsiya)