Mourino: Men Agueroning muxlisi emasman

“Manchester Yunayted” klubi bosh murabbiyi Joze Mourino Manchester derbisi oldidan raqib jamoa hujumchisi Serxio Aguero haqida o‘z fikrlarini bildirib o‘tdi.

– Men Agueroga qarshi o‘ynaganimda undan xavotirga tushaman. Uning futboldagi iqtidoriga qoyil qolaman. Uning o‘yinida e’tiborni tortadigan narsalar ko‘p, ammo men argentinalik futbolchining muxlisi emasman, – deydi Mourino. –U ko‘p gol uradi. Buni muntazam qiladi.

Eslatib o‘tamiz, “Manchester Siti” – “Manchester Yunayted” jamoalari o‘rtasidagi bahs bugun Toshkent vaqti bilan soat 21:30da start oladi.