Moreno faoliyatini "Arsenal"da davom ettirishi mumkin

"Liverpul" himoyachisi Alberto Moreno faoliyatini Londonning "Arsenal" klubida davom ettirishi mumkin. Bu haqda Mirror nashri xabar bermoqda.

Eslatib o‘tish lozimki, bundan avvalroq deyarli zaxira o‘yinchisiga aylanib qolgan 26 yoshli ispaniyalik futbolchi mersisaydliklar bilan amaldagi shartnomasini uzaytirmasligi haqida xabarlar tarqalgan edi. Uning kelishuvi esa mavsum yakunida o‘z nihoyasiga etadi va u shundan so‘ng erkin agentga aylanadi.

“Kanonirlar” bosh murabbiyi Unai Emeri esa 32 yoshni qarshi olayotgan himoyachi Nacho Monrealning o‘rniga aynan Morenoni ko‘zlamoqda. Ta’kidlash kerakki, Emeri Morenoni “Sevilya”dagi faoliyatidan qanday imkoniyatlarga ega ekanligini yaxshi biladi.