“Локомотив” Азмунга қизиқиш билдирмоқда

Россиянинг амалдаги чемпиони - “Локомотив” Қозонинг “Рубин” клуби форварди Сардор Азмунга жиддий қизиқиш билдира бошлади.

Рус нашрлари тарқатган хабарга кўра москвалик “темирйўлчилар” айнан 23 ёшли еронлик футболчи билан ўзларининг ҳужум чизиқларини кучайтиришмоқчи ва бу борада улар яқин вақтлар ичида қозонликларга расмий таклиф билан чиқишлари кутилмоқда.

Эслатиб ўтамиз, Азмун Россия премьер-лигасининг янги мавсум илк турида “Краснодар” дарвозасини икки бор ишғол этиб жамоасига ғалаба келтирган эди.