“Liverpul”ning asosiy himoyachilari "Bavariya"ga qarshi bahsni o‘tkazib yuboradi

“Liverpul” himoyachisi Deyan Lovren jarohati sababli “Bavariya” ga qarshi EChL 1/8 final dastlabki uchrashuvini o‘tkazib yuborishi mumkin. Bu haqda mersisaydliklar ustozi Yurgen Klop ma’lum qilgan.

Agar xorvatiyalik futbolchi jarohatidan forig‘ bo‘la olmasa, “Liverpul”da bitta nominal himoyachi Joel Matip qoladi.

Lovrendan tashqari Virjil van Deyk bitta o‘yinga diskvalifikatsiya qilingan bo‘lsa, Jo Gomes ham jarohat sababli uchrashuvda qatnasha olmaydi.

“Liverpul” va “Bavariya” o‘rtasidagi ilk uchrashuv 19 fevral kuni bo‘lib o‘tsa, javoba bahsi 13 mart kuni Myunxenda kechadi.