Golovkin Alvares va uning jamoasini jazolamoqchi

O‘rta vazn toifasining WBC, WBA va IBO chempionlik kamarlari sohibi Gennadiy Golovkin meksikalik Saul Alvares bilan bo‘ladigan jang haqida o‘z fikrlarini bildirdi. Bu bokschilarning ikkinchi jangi 15 sentyabr kuni Las-Vegasda bo‘lib o‘tadi.

– Saul Alvaresni o‘zi va jamoasi qilgan yomon ishlari uchun jazolashni istayman. Uni yutmoqchiman, – deya Golovkinning so‘zlarini keltiradi AFP nashri. – Men bu darajaga chiqishiga yo‘l qo‘ymayman. Ularga vazminlik va aql etishmadi. Bu ularning harakatlarini isbotlaydi. Men hech qachon raqibim haqida bunday uyatli narsalar haqida gapirmaganman.

Eslatib o‘tamiz, meksikalik bokschining murabbiyi uni “hech narsani o‘ylamaydigan eshak” deb haqorat qilgan.