Cherchesov murabbiylarga ma’ruza o‘qidi

Rossiya terma jamoasi bosh murabbiyi Stanislav Cherchesov UEFA tashkil etgan Student Exchange dasturi asosida PRO litsenziyasi uchun o‘qiyotgan mutaxassislarga ma’ruza o‘qidi.

"Men UEFA departamentining taklifini jonim bilan qabul qildi. Fikr almashish, tajribalarni o‘rtoqlashish futbolning o‘sishiga xizmat qiladi.

Asosiy gap Rossiya termasining mundialga qay tarzda tayyorgarlik ko‘rgani va ishtiroki haqida bordi. Muloqot qizg‘in o‘tdi deyishim mumkin. Yosh mutaxassislar va UEFA vakillarining savollariga imkon qadar javob berishga harakat qildim", - dedi rossiyalik mutaxassis.