Ана холос! ПСЖ Коутиньони дунёнинг энг қимматбаҳо футболчисига айлантирмоқчи

Каталониянинг "Барселона" клуби ярим ҳимоячиси  Филиппе Коутиньо ПСЖ аъзосига айланиши мумкин.

El Mundo Deportivo нашри тарқатган хабарга кўра парижликлар вакиллари бразилиялик футболчининг яқинлари билан бу борада алоқага чиқишган.

Маълумотларга кўра ПСЖ Коутиньо учун 270 млн евродан воз кечишга тайёр. Агар ушбу трансфер амалга ошса, 26 ёшли футболчи ҳамюрти Неймарни (222 млн евро) ортда қолдириб, дунёнинг энг қимматбаҳо футболчисига айланиб олиши мумкин.

Қайд этиш лозимки, Коутиньонинг “Барселона” билан имзолаган шартномасига кўра унинг товон пули 400 млн еврони ташкил этади.