APLning dekabr oyidagi eng yaxshi futbolchisi ham "Liverpul" a’zosi bo‘ldi

Angliya premer-ligasida o‘tgan dekabr oyining eng yaxshi futbolchisi e’lon qilindi.

Musobaqa rasmiy sayti tarqatgan xabarga ko‘ra ushbu mukofot “Liverpul” himoyachisi Virjil van Deykga nasib etdi. Gollandiyalik futbolchi bu borada Xarri Keyn, Son Xin Min, Muhammad Saloh, Eden Azar, Markus Reshford va Felipe Anderson kabi futbolchilarni ortda qoldirishga erishdi.

Ma’lumot uchun, “Liverpul” o‘tgan oy APLning 7ta o‘yinida 7ta g‘alabaga erishishgan edi.

Eslatib o‘tamiz, dekabr oyining eng yaxshi murabbiyi “Liverpul” ustozi Yurgen Klopp bo‘lgan edi.