“Барселона” ва “Бавария” эркин агентга айланиш арафасида турган ҳужумчи учун курашмоқда

“Ювентус” клуби ҳужумчиси Душан Влаховични Европанинг гранд жамоалари ўз сафига қўшиб олишни режалаштирмоқда.

25 ёшли форварднинг “зебралар” билан амалдаги шартномаси 2025/26 йилги мавсум якунлангач тугайди. Шу боис унга “Барселона” ва “Бавария” томонидан қизиқиш билдирилмоқда.

Машҳур инсайдер Николо Скиранинг маълумотига кўра, ҳар икки клуб ҳам туринликлардан футболчи ҳақида қўшимча маълумот сўраб мурожаат қилган. Улар келаси ёзда Влаховични эркин агент сифатида қўлга киритиш имкониятини кўриб чиқмоқда.

Маълумот учун, сербиялик футболчи “кекса синьора” сафида 2022 йилдан буён ҳаракат қилмоқда. Шу вақтгача у клуб учун 153 та ўйинда майдонга тушиб, 62 та гол урган ва 15 та голли узатма амалга оширган.