Кейннинг бу мавсум "Бавария" сафидаги мақсади қандай?

"Бавария" ҳужумчиси Харри Кейн бу мавсумда Мюнхень клуби билан Чемпионлар лигасида ғолиб чиқмоқчи эканлигини айтди.

“Албатта, мен финалга чиқишни ва Чемпионлар лигасида ғалаба қозонишни хоҳлайман. Чемпионлар лигаси энг катта мусобақа ҳисобланади. Агар биз кубокни қўлга киритсак, бу ажойиб мавсум бўлади, айниқса уни “Альянц Арена”да ютиб олсак.

Бу машаққатли йўл, лекин мен бунга тайёрман. Бу мусобақада ҳамиша катта ўйинлар бўлади. Атмосфера ва мухлислар ҳар доим ақл бовар қилмайдиган даражада қўллаб-қувватлашади”, - деди Кейн Bild нашрига берган интервьюсида.

Эслатиб ўтамиз, Чемпионлар лигасининг жорий мавсум финал учрашуви "Бавария"нинг уй стадиони ҳисобланган “Альянц Арена”да бўлиб ўтади.