"Зенит" футболчисини "Арсенал"да кўришимиз мумкин

Ҳужумчи Малком ёзги трансферлар ойнасида "Зенит"ни тарк этиши мумкин. 

Айрим манбаларнинг хабарига кўра, бразилиялик футболчи трансферига Лондоннинг "Арсенал" клуби қизиқиш билдирмоқда. Малком "канонирлар"нинг ёзги шорт-листидан ўрин эгаллаган ва рус клуби билан келиша олса, уни ўз сафига қўшиб олишга қарши эмас. 

26 ёшли вингер жорий мавсумда 31 учрашувда майдонга тушиб, 25 маротаба рақиблар дарвозасини ишғол қилган, шунингдек, 9 маротаба шерикларини голли узатма билан сийлаган.