Юз миллион еврога топ-ҳимоячи оламиз
- 20-март, 09:07
- Zohir Toshxo’jayev
- 0
- Футбол
Италия миллий терма жамоаси ва Миланнинг “Интер” клуби етакчи ҳимоячиси Алессандро Бастони ёзги трансфарлар даврида Англия чемпионатига кўчиб ўтиши мумкин.
Бу ҳақда Caught Offside журналистлари хабар бермоқда.
Манбага кўра, 26 ёшли футболчини Лондоннинг “Арсенал” клуби ўз сафида кўришни истайди. Милан клуби мўмай даромад олиш мақсадида музокараларга тайёр.
“Интер” мутасаддилари Бастони трансферидан 100 миллион евро атрофида маблағ ишлаб олишни режалаштирган.
Алессандронинг клуб билан шартномаси 2028 йилнинг ўртасигача амал қилади. У 2017 йилнинг ёзидан бери миланликлар сафида тўп суриб келмоқда.
Жорий мавсумда Бастони 33 та ўйинда иштирок этиб, ҳимоядаги вазифаларини уддалашдан ташқари, рақиблар дарвозасига икки гол урди ва жамоадошларига олти голли пас узатди.