Яна 3 нафар боксчимиз ярим финалга йўл олди!

Хабарингиз бор, 24 майдан 1 июнгача Таиланднинг Бангкок шаҳрида бокс бўйича халқаро турнир бўлиб ўтади.

Бугун ҳам чарм қўлқоп усталаримиз чорак финалда ўз учрашувларини ўтказди.

-75 кг вазнда бўлиб ўтган баҳсда Жавоҳир Абдураҳмонов қозоғистонлик Тимур Нурсеитовни 4:1 ҳисобида мағлуб этиб, мусобақадан чиқариб юборди.

Нигина Ўктамова ҳам чорак финалда ғалаба қозонди. Боксчимиз ўз жангида -57 кг вазнда хитойлик Ге Яқини қийинчиликсиз енгди - 5:0. 

Азиза Зокирова -75 кг вазнда ўтказилган тўқнашувда хитойлик Жу Яшуни 5:0 ҳисобида таслим этиб, ярим финалга йўл олди.